წალენჯიხის მუნიციპალიტეტში, ფოცხოეწერის დასახლებაში, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის მხარდაჭერით „დევნილ მოზარდთა სამოქალაქო ჩართულობის სივრცე” გაიხსნა.

პროექტი ითვალისწინებს სამეგრელოს რეგიონში, კერძოდ, ფოცხოეწერში მცხოვრები 4-17 წლის ასაკის დევნილი ბავშვებისა და მოზარდებისთვის სოციალური სივრცის შექმნას, მის კეთილმოწყობას და არაფორმალური, გასართობ-შემეცნებითი საგანმანათლებლო აქტივობების განხორციელების ხელშეწყობას.

გახსნის ღონისძიებას სამეგრელო-ზემო სვანეთის სახელმწიფო რწმუნებულის პირველი მოადგილე ნინო ვიბლიანი, აფხაზეთის ა/რ მთავრობის თავმჯდომარე რუსლან აბაშიძე და ადგილობრივი ხელისუფლების წარმომადგენლები დაესწრნენ.

ახალგაზრდების სამოქალაქო ინტეგრაციის მხარდაჭერისათვის შეიქმნა შესაბამისი ფსიქოლოგიური და კეთილმოწყობილი, უსაფრთხო გარემო, რომლით სარგებლობაც ხელმისაწვდომია ფოცხო-ეწერში მცხოვრები დევნილი ბავშვებისა და მოზარდებისთვის, რაც თავის მხრივ მოიცავს ბენეფიციარების არაფორმალური განათლების მიღებას, ნიჭიერი ბავშვებისა და მოზარდების გამოვლინებას და მათი შემდგომი წინსვლის ხელშეწყობას, სამოქალაქო აქტიურობისათვის მოტივაციის ამაღლებას.