წალენჯიხის მუნიციპალიტეტის მერის პირველმა მოადგილემ ლაშა ზარქუამ და მერიის ეკონომიკისა და ინფრასტრუქტურის განვითარების სამსახურის ინფრასტრუქტურის განვითარების განყოფილების უფროსმა ჯემალ კვარაცხელიამ ქალაქ წალენჯიხაში ბადრი შანავასა და ვალტერ შანავას ქუჩაზე სამანქანე გზის რეაბილიტაციის დასრულებული სამუშაოები დაათვალიერეს.

ბადრი შანავას ქუჩაზე მოასფალტირების სამუშაოების პირველი ეტაპი დასრულდა. 4.232 კმ-იანი სამანქანე გზა სრულად რეაბილიტირდება, მოწესრიგდება სანიაღვრე არხები. შიდა მნიშვნელობის გზა 7 ჩიხისა და 1 ცენტრალური ნაწილისაგან შედგება. სამუშაოებს ტენდერში გამარჯვებული კომპანია შპს “ნიუპოვერი” ასრულებს.

პროექტი რეგიონებში განსახორციელებელი პროექტების ფონდიდან გამოყოფილი თანხით -2.098 026 ლარით ფინანსდება. ვალტერ შანავას ქუჩაზე კი სამუშაოები დასრულებულია. სამუშაოები შპს “საგზაო”-მ შეასრულა.

მონიტორინგის შედეგად, ხარვეზები გამოიკვეთა. აღნიშნულიდან გამომდინარე, ეკონომიკისა და ინფრასტრუქტურის განვითარების სამსახურს დაევალა, მიმართონ სამუშაოების შემსრულებელ კომპანიას, რათა მოხდეს ხარვეზების გამოსწორება.