სენაკის მუნიციპალიტეტის მერი, ვახტანგ გადელია, შესაბამისი სამსახურის წარმომადგენლებთან ერთად, მუნიციპალიტეტის საფეხბურთო კლუბის ნორჩ ფეხბურთელთა გუნდის წევრებს და მათ მწვრთნელს, მურად კუპრეიშვილს შეხვდა.

საფეხბურთო კლუბის 2009-2010 წლებში დაბადებულ ნორჩ ფეხბურთელთა გუნდი 2021 წლის სამეგრელო-ზემო სვანეთის ასაკობრივი რეგიონალური ჩემპიონატის გამარჯვებული გახდა.

მუნიციპალიტეტის მერმა მათ მოპოვებული გამარჯვება მიულოცა, ფეხბურთელთა გუნდის თითოეულ წევრს და მათ მწვრთნელს ფულადი ჯილდო გადასცა და შემდგომი წარმატება უსურვა.