დღეს, განსახორციელებელი პროექტები, მოსახლეობის კონსულტაციებისა და სოფლის კრებებებზე მიღებული გადაწყვეტილების საფუძველზე, უშაფათის, ფოცხოსა და ზანის ადმინისტრაციულ ერთეულებში შეირჩა.

სამ ადმინისტრაციულ ერთეულში, პრიორიტეტების გამოსავლენად გამართულ საერთო კრებებს/კონსულტაციებს, სენაკის მუნიციპალიტეტის მერი, ვახტანგ გადელია, ადგილობრივი თვითმმართველობის წარმომადგენლებთან ერთად ესწრებოდა.

განსახორციელებელი პროექტების შერჩევის შედეგად, შემდეგი გადაწყვეტილებები იქნა მიღებული: უშაფათის ადმინისტრაციულ ერთეულში: სოფლებში – უშაფათში, ლეგოგინესა და ლეკოკაიეში – შიდა საუბნო გზების მოხრეშვა-მოშანდაკება; ფოცხოს ადმინისტრაციულ ერთეულში: სოფელ ფოცხოში – ხიდ-ბოგირის რეაბილიტაცია; შამათავების უბანში – ცხაურის მოწყობა და გზის მოხრეშვა-მოშანდაკება; ლეგოგიე-ნასაჯუსა და სოფელ მეორე მოხაშიში – გზების მოხრეშვა-მოშანდაკება; სოფელ მოხაშიში – ლეკუბეციეს უბანში, მილხიდის მოწყობა და გზის მოხრეშვა-მოშანდაკება; ზანის ადმინისტრაციულ ერთეულში: სოფელ ზანაში – გზის მოხრეშვა-მოშანდაკება; სოფელ ეწერში – გზის მოხრეშვა-მოშანდაკება და მილხიდის მოწყობა; სოფლებში – საესებუოში, საშურღაიოსა და სატყებუჩავოში – გზების მოხრეშვა-მოშანდაკება და გარე განათების სისტემის მოწყობა;

სენაკის მუნიციპალიტეტისთვის „სოფლის მხარდაჭერის პროგრამის“ ფარგლებში 738 000 ლარია გამოყოფილი. პროგრამის ფარგლებში განსახორციელებელი ინფრასტრუქტურული პროექტები 6 ადმინისტრაციულ ერთეულში შერჩეულია.