ზუგდიდის მუნიციპალიტეტის მერიის ორგანიზებითა და მოსწავლე-ახალგაზრდობის სასახლის მხარდაჭერით, პოეტ ზაურ მოლაშხიას ხსოვნისადმი მიძღვნილი შემოქმედებითი საღამო მოსწავლე-ახალგაზრდობის სასახლის საკონცერტო დარბაზში ჩატარდა.

შემოქმედებითი საღამო სახელწოდებით: ” სიტყვა, ომი… და მშვიდობა” უკრაინული ჰანგებით გაიხსნა. ღონისძიებას უძღვებოდნენ წამყანები: ლაშა გვასალია და ლია ნაროუშვილი.

პოეზიის საღამოს მოსწავლე-ახალგაზრდობის სასახლის დეკლამატორები და ანსამლი ” ოდოია” ამშვენებდა. ღონისძიებაზე, მზით ნაფერები პოეტის ლექსები მისმა მეგობრებმა და სასახლის აღსაზრდელებმა წაიკითხეს და პოეტის შემოქმედება სცენაზე გააცოცხლეს.