1 ივნისიდან, ქალაქის ცენტრალური პარკი სრული დატვირთვით დაიწყებს ფუნქციონირებას. დასრულდება ავტოდრომის და შადრევნის მოწყობის სამუშაოები. ასევე გასართობ სივრცეს დაემატება ტენისის მაგიდები.

მიმდინარეობს მწვანე საფარის განახლება და დაირგვება სხვადასხვა ჯიშის ყვავილები. საბავშვო ატრაქციონები, ორშაბათის გარდა, ყოველდღე მოემსახურება სტუმრებს. პარკის მთელ ტერიტორიაზე განთავსდება ხმის გამაძლიერებელი ფონური მუსიკისთვის.

ივნისის შუა რიცხვებიდან, პარკის სტუმრებს საშუალება ექნებათ ისარგებლონ უფასო WI-FI-ით და ასევე დამონტაჟდება ვიდეო სათვალთვალო კამერები. ფოთის მერის ბექა ვაჭარაძის განცხადებით, ქალაქის ცენტრალური პარკის ტერიტორიაზე ეტაპობრივად გაიხსნება ახალი სივრცეები.