სენაკის მუნიციპალიტეტის ყოფილი სამხედრო ქალაქის დევნილთა დასახლებაში ინფრასტრუქტურული სამუშაოები აქტიურ ფაზაშია. პროექტის ფარგლებში, მოწესრიგდა საგზაო ინფრასტრუქტურა და კეთილმოეწყო მრავალბინიანი კორპუსების ეზოები.

ამ ეტაპზე მიმდინარეობს სანიაღვრე არხების მოწყობის სამუშაოები. გზების სამშენებლო პროექტს და დევნილთა დასახლებაში მიმდინარე სამუშაოებს სენაკის მუნიციპალიტეტის მერი, ვახტანგ გადელია, ადგილობრივი თვითმმართველობისა და შესაბამისი სამსახურის წარმომადგენლებთან ერთად გაეცნო.

პროექტი რეგიონული განვითარების პროექტების ფონდიდან გამოყოფილი თანხებით და ადგილობრივი ბიუჯეტის თანადაფინანსებით ხორციელდება.