სენაკის მუნიციპალიტეტის მერი, ვახტანგ გადელია, წარმატებულ სენაკელ ძიუდოისტ გოგონებს, მათ მწვრთნელ-მასწავლებელს, უჩა ჯღარკავას შეხვდა და მოპოვებული წარმატება მიულოცა.

მიმდინარე წელს გამართულ საერთაშორისო ტურნირებში, სენაკის სასპორტო გაერთიანების სასპორტო სკოლის მოსწავლეებმა, არაერთი გამარჯვება მოიპოვეს: წარმატებული სენაკელი ძიუდოისტები – ანანო კინწურაშვილი, მარი ფარულავა, ნინო ხუნჯუა და ნინო მამულია გახდნენ საქართველოს 2022 წლის ჩემპიონები ქართულ ჭიდაობაში, ხოლო მია გოგოლი – ბრინჯაოს პრიზიორი.

ანანო კინწურაშვილი, ტრაპიზონში გამართული ოლიმპიური ჩემპიონის, ჰუსეინ ოზკანის სახელობისა და თურქეთის ქალაქ ქოჯაელში გამართული საერთაშორისო ტურნირების გამარჯვებული და ბრინჯაოს პრიზიორიცაა.

სენაკის მუნიციპალიტეტის მერია წარმატებულ სენაკელ ძიუდოისტებს ფულად ჯილდოებს გადასცემს.