შინდისის გმირების დღეს, სენაკის მეორე ქვეითი ბრიგადის ბაზაზე, სამეგრელო-ზემო სვანეთის სახელმწიფო რწმუნებულმა გიორგი გუგუჩიამ, პირველმა მოადგილემ, ნინო ვიბლიანმა, მოადგილემ, დავით კუხალეიშვილმა, სენაკის მუნიციპალიტეტის მერმა, ვახტანგ გადელიამ, დეკანოზმა იოსებ ესაკიამ, საქართველოს თავდაცვის ძალების ხელმძღვანელმა პირებმა და ადგილობრივი თვითმმართველოს წარმომადგენლებმა, პატივი მიაგეს შინდისის ბრძოლაში გმირულად დაცემული 17 ქართველი მეომრის ხსოვნას და გმირების მემორიალი გვირგვინით შეამკეს.

შინდისის ბრძოლას გადარჩენილმა დეკანოზმა იოსებმა აგვისტოს ტრაგედიის სისხლიანი დღეები და შინდისელი გმირების თავგანწირული ბრძოლა გაიხსენა. 2008 წლის 11 აგვისტოს, სოფელ შინდისში, სენაკის მეორე ქვეითი ბრიგადის საინჟინრო ოცეულსა და რუსეთის 58-ე არმიის მოტომსროლელ ასეულს შორის უთანასასწორო ბროლას 17 ქართველი მეომრის – ალექსანდრე ონიანის, ემზარ წილოსანის, ვეფხვია ჯიშკარიანის, ზვიად კაცაძის, თეიმურაზ ბერიძის, ილია გაბუნიას, ილია შეყლაშვილის, ირაკლი ჯანელიძის, კახა კოშაძის, ლევან მელქაძის, მარლენ ბარამიას, მიხეილ დვალიშვილის, ნიკოლოზ ფორჩხიძის, რომან ზოიძის, რუსლან წულაძის, ფელიქს კაკაურიძის და შმაგი კუპატაძის სიცოცხლე შეეწირა.