სენაკის მუნიციპალიტეტის მერი, ვახტანგ გადელია, მოადგილესთან, ლევან ელიავასთან და შესაბამისი სამსახურების წარმომადგენლებთან ერთად, სენაკის მუნიციპალიტეტის სოფელ ლეძაძამეში, ლეძაძამე-კვაუთის დამაკავშირებელი ხიდის მიმდებარედ, შიდა საუბნო გზის მოხრეშვა-მოშანდაკების სამუშაოების მიმდინარეობას გაეცნო.

11 ოქტომბერს, სტიქიის შედეგად, ადიდებულმა ტეხურმა, ლეძაძამე-კვაუთის შემაერთებელი ხიდი წაიღო.

მთელი ღამის განმავლობაში, სტიქიის ადგილზე იმყოფებოდა და შექმნილ ვითარებას, შესაბამისი სამსახურების წარმომადგენლებთან ერთად, ადგილზე ეცნობოდა სენაკის მუნიციპალიტეტის მერი, ვახტანგ გადელია.

ლეძაძამეში, სტიქიის შედეგად დანგრეული ხიდის ადგილას, რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის, სახელმწიფო რწმუნებულის ადმინისტრაციისა და ადგილობრივი თვითმმართველობის სწრაფი და კოორდინირებული მუშაობის შედეგად, მეორე დილიდანვე დაიწყო ახალი ხიდის მოწყობის სამუშაოები.

სოფელ ლეძაძამეს კვაუთის უბანში მცხოვრები, გარესამყაროს მოწყვეტილი 76 ოჯახი უკვე ახალი ხიდით სარგებლობს.