,,როგორი თბილი და სიცოცხლით სავსე იყავი საბა. როგორი წესიერი და მხიარული! რა საშინელებაა! დღეს რეპეტიციაზე გელოდებოდით ნეტავი მოსულიყავი და ეს საშინელება არ მოხდებოდა, გასკდა გული! გამორჩეული ბავშვი იყო საბა!” – წერს ზუგდიდიში 20 ნოემბერს საღამოს, მინი სპორტულ მოედანზე შელაპარაკებია ნიადაგზე სასიკვდილოდ დაჭრილი 13 წლის მოზარდის ცეკვის მასწავლებელი მაია გუნია.

მოზარდს, სავარაუდოდ, დანით, სასიკვდილო ჭრილობები მიაყენეს. ის ზუგდიდის რეფერალურ საავადმყოფოში მიყვანამდე გარდაიცვალა. საქმეზე ორი პირია დაკავებული მათ შორის ერთს გამოძიებეა მკვლელობაში ადანაშაულებს.

მოზარდებს შორის შელაპარაკება ზუგდიდში, რკინიგზის სადგურის უკან, მესხიას ქუჩაზე, ხიდთან მდებარე სპორტულ სტადიონზე მოხდა, სადაც თვითმხილველთა ინფორმაციით, შელაპარაკება ფიზიკურ დაპირისპირებაში გადაიზარდა.