წალენჯიხის მუნიციპალიტეტის ჭალეს ადმინისტრაციულ ერთეულში დღეს, თანამედროვე სტანდარტების შესაბამისი საექიმო ამბულატორია საზეიმოდ გაიხსნა.

ამბულატორია აშენდა და აღიჭურვა ფონდი მედიკორის (ლიხტენშტეინი) ფინანსური მხარდაჭერით.

ამბულატორიის მშენებლობისა და აღჭურვის პროექტი კი არასამთავრობო ორგანიზაცია”თემი და გარემო”-ს მიერ წალენჯიხის მუნიციპალიტეტის მერიასთან თანამშრომლობით განხორციელდა.

საექიმო ამბულატორიის გახსნაზე ადგილზე იმყოფებოდნენ წალენჯიხის მუნიციპალიტეტის ხელმძღვანელი პირები, ქეთი სამადაშვილი “თემი და გარემო”-ს წარმომადგენელი საქართველოში, საზოგადოებრივი ჯანდაცვის ცენტრის წარმომადგენლები და სხვა პირები.
უნდა აღინიშნოს რომ ახალი ამბულატორიის მშენებლობას მოსახლეობა წლების მანძილზე მოითხოვდა.