აბაშის მუნიციპალიტეტში ნაძვის ხე საზეიმოდ აინთო.

ზვიად გამსახურდიასა და მერაბ კოსტავას სახელობის სკვერთან ერთად ცენტრალური ქუჩა საახალწლოდ სხვადასხვა დეკორაციული სანათებითა და ილუმინაციებით განათდა.

ცერემონიალს შეკრებილ საზოგადოებასთან ერთად აბაშის მუნიციპალიტეტის მერი, გიგა გაბელაია და თვითმმართველობის სხვა წარმომადგენლები ესწრებოდნენ.

ღია სცენაზე საბავშვო ბაღის აღსაზრდელებმა, ხელოვნების სკოლის მოსწავლეებმა საახალწლო კონცერტი გამართეს. პატარებს ეს დღე გაულამაზეს ქუთაისის სადღესასწაულო ცენტრ ,,პუნბოს” ანიმაციურმა გმირებმა.

„დღეს საზეიმოდ განათდა ქალაქის ნაძვის ხე, ჩვენი ქალაქი საახალწლოდ განსაკუთრებით ძალიან ლამაზია, სულ უფრო და უფრო იმატებს პატარების საზეიმო განწყობაც.
მნიშვნელოვანია, რომ ახალი იმედებით, ახალი შემართებით, ახალი ენერგიით და დიდი სიყვარულით შევხვდეთ 2023 წელს, რომელიც იქნება კიდევ უფრო მეტი აღმშენებლობის, განვითარების, წარმატების და წინსვლის წელი. ყველას გილოცავთ დამდეგ ახალ წელს, გისურვებთ ჯანმრთელობას, მშვიდობას, სიხარულსა და წარმატებას, უღრუბლო ცა, უფლის წყალობა არ მოგკლდებოდეთ,”_მიმართა მოქალაქეებს გიგა გაბელაიამ და ქალაქის ნაძვის ხე პატარებთან ერთად აანთო.

საღამო ულამაზესი ფეიერვერკით დასრულდა.