1945 წლის 8 მაისს, ვერტმახის კაპიტულაციის შემდეგ, ევროპაში მსოფლიო ომი დასრულდა. 9 მაისი კი ფაშიზმზე გამარჯვების დღედ გამოცხადდა. საქართველოდან მეორე მსოფლიო  ომში 700 000 ადამიანი წავიდა,აქედან უკან ნახევარი არ დაბრუნებულა. ინფორმაციას წალენჯიხის მერია ვარცელებს.

„ამ დღესთან დაკავშირებით,დღეს წალენჯიხის მუნიციპალიტეტის ხელმძღვანელმა პირებმა ქალაქ ჯვარში  მელიტონ ქანთარიას საფლავი  და ლიის ადმინისტრაციულ ერთეულში არსებული შინმოუსვლელთა მემორიალი  გვირგვინებით შეამკეს და პატივი მიაგეს დაღუპულთა ხსოვნას.
ზუგდიდისა და ცაიშის ეპარქიის მიტროპოლიტის, მეუფე გერასიმეს ლოცვა- კურთხევით კი, დეკანოზმა ილია სარიამ მელიტონ ქანთარიას საფლავთან მისი სულის მოსახსენიებელი პანაშვიდი გადაიხადა.

ასევე ამ თარიღთან დაკავშირებით, მელიტონის საფლავთან და ლიაში შინმოუსვლელთა მემორიალთან  წალენჯიხის სახალხო ანსამბლ ,, ბედინერას” მომღერლებმა და მოსწავლე -ახალგაზრდებმა მოკრძალებული ღონისძიება მოაწყვეს“ – ნათქვამია წალენჯიხის მერიის მიერ გავრცელებულ განცხადებაში.