პარლამენტმა, 91 ხმით ერთხმად, გიორგი ხახუბიას პარლამენტის წევრის უფლებამოსილების ცნობის საკითხს მხარი დაუჭირა.

საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა პლენარულ სხდომაზე კოლეგებს კომიტეტის მიერ შემუშავებული დადგენილების პროექტი გააცნო.

​„საქართველოს პარლამენტის საპროცედურო საკითხთა და წესების კომიტეტმა განიხილა ცენტრალური საარჩევნო კომისიის მიერ მოწოდებული მასალები 2023 წლის 29 აპრილს შუალედური არჩევნების შედეგად, N26 საარჩევნო ოლქში მაჟორიტარული საარჩევნო სისტემით არჩეული გიორგი ხახუბიას უფლებამოსილების თაობაზე. კომიტეტს მიზანშეწონილად მიაჩნია, რომ პარლამენტის მიერ ცნობილ იქნას გიორგი ხახუბიას პარლამენტის წევრის უფლებამოსილება“, – განაცხადა ირაკლი ქადაგიშვილმა.