2024 წელს ხობში, სოფლის მხადაჭერის პროგრამით 1 021 000 ლარის პროექტები განხორციელდა
05.03.2025 / 5 მარტი 2025
ხობის მუნიციპალიტეტის სოფლებში 2024 „სოფლის მხარდაჭერის პროგრამის“ ფარგლებში ერთი მილიონ ოცდაერთი ათასი ლარის ღირებულების 53 პროექტი განხორციელდა. ინფორმაციას ხობის მუნიციპალიტეტის მერია ავრცელებს.
„სოფლის მხარდაჭერის პროგრამის“ ფარგლებში მოეწყო სკვერები, გარე განათების სისტემები, მინისტადიონი, მილხიდები და ხიდბოგირები; ამოიწმინდა სანიაღვრე არხები, აშენდა მოსაცდელები და რეაბილიტირდა გზები.
2024 წელს, მოქალაქეებმა „სოფლის მხარდაჭერის პროგრამის“ ფარგლებში განსახორციელებელი პროექტები მუნიციპალიტეტის სოფლებში გამართულ დასახლების კრებებსა და კონსულტაციებზე ხმათა უმრავლესობით შეარჩიეს“ – აცხადებენ ხოობის მერიაში.
