დავით კოდუა ნარაზენში ახალგაზრდულ ფესტივალს დაესწრო
ზუგდიდის მუნიციპალიტეტის სოფელ ნარაზენში ახალგაზრდული ფესტივალის დაჯილდოების ღონისძიებას გაიმართა. ღონისძიებას ქართული ოცნების ზუგდიდის დელეგატი დავით კოდუა, სხვა ოფიციალურ პირებთან ერთად დაესწრო.
„ზუგდიდის მუნიციპალიტეტის სოფელ ნარაზენში დღეს ახალგაზრდული ფესტივალის დაჯილდოების ღონისძიებას დავესწარი. ეს იყო მთელი სოფლის ზეიმი, რომლის შემოქმედიც ნარაზენის ხარების სახელობის ტაძრის ახალგაზრდული ორგანიზაცია „რესეს“ გუნდია.
დაჯილდოვდნენ გამარჯვებულები ფეხბურთში, ფრენბურთსა და მკლავჭიდში. მადლობა ზუგდიდისა და ცაიშის ეპისკოპოს გერასიმე შარაშენიძეს და ტაძრის წინამძღვარს, დეკანოზ ბესარიონ ცინდელიანს. სწორედ ამ ადამიანების ძალისხმევით, სოფელს აქვს ულამაზესი დღესასწაული, რომელიც ყველა თაობას აერთიანებს.
ნარაზენის ხარების სახელობის ტაძარი ფონდი „ქართუს“ მხარდაჭერით აშენდა და დღეს ის სულიერებისა და ახალგაზრდებში არაფორმალური განათლების ნამდვილი კერაა“ – წერს დავით კოდუა.
