ჩხოროწყუში ორი სახლი დაიწვა
27.06.2024 / 27 ივნისი 2024
წუხელ, გვიან ღამით, ჩხოროწყუს მუნიციპალიტეტის სოფელ ქვედა ჩხოროწყუში ხანძრის შედეგად, გია ცქვიტიშვილის ორსართულიანი საცხოვრებელი სახლი მთლიანად დაიწვა.
გვიან ღამით მთლიანად დაიწვა ასევე ახუთში თამაზ ვეკუას საცხოვრებელი სახლიც. ვერ მოხერხდა საოჯახო ავეჯისა და ტექნიკის გადარჩენა.
ხანძრის გამომწვევი მიზეზი ამ დროისთვის უცნობია. ადგილზე მობილიზებული იყო სახანძრო-სამაშველო სამსახურის ბრიგადები. ხანძრის შედეგად არავინ დაშავებულა.
შემთხვევის ადგილებზე იმყოფებოდნენ ჩხოროწყუს მუნიციპალიტეტის მერის პირველი მოადგილე გოჩა ჩიქოვანი და მერის მოადგილე ვალერი თოდუა.
მუნიციპალიტეტის მერიაში აცხადებენ, რომ დაზარალებულ ოჯახებს მერიაში მოქმედი შესაბამისი პროგრამის ფარგლებში ფინანსურ დახმარებას გაუწევრნ.
