ხობში წყალმომარაგების სისტემის ოპტიმიზაციის 6 მილიონიან პროექტზე ტენდერი გამოცხადდა
30.05.2024 / 30 მაისი 2024
ქალაქ ხობის წყალმომარაგების სისტემის ოპტიმიზაციის პროექტირება – მშენებლობის სამუშაოების სახელმწიფო შესყიდვაზე ტენდერი გამოცხადდა. გაერთიანებული წყალმომარაგების კომპანიამ შესაბამისი სამუშაოების შესასრულებლად ტენდერი 6 100 000 ლარზე გამოაცხადა.
კომპანიებისგან წინადადების მიღება მიმდინარე წლის 16 ივნისს დაიწყება. სატენდერო დოკუმენტაციის მიხედვით, გათვალისწინებული სამუშაოებისთვის გამარჯვებულ კომპანიას ვადა 2025 წლის 25 დეკემბრამდე აქვს.
