სალომე ზურაბიშვილი – მე ამ შავი ძალის ორივე სახეს ვიწვევ დებატებში
სალომე ზურაბიშვილი ნაციონალური მოძრაობისა და ევროპული საქართველოს საპრეზიდენტო კანდიდატებს დებატებში იწვევს.
,,ეს საარჩევნო კამპანია ვითარდება არაცივილური, არაევროპული, არაღირსეული ფორმებით. სიცრუე, სიყალბე, „შავი პიარი“, შეურაცხყოფა, ცილისწამება, ეს არის დამახასიათებელი დღევანდელი საარჩევნო კამპანიისთვის.
სამწუხაროდ, ეს ლახავს ასევე საქართველოს სურათს. ყველაზე მიუღებელი ჩემთვის არის არა ეს ბრალდებები და შეურაცხყოფები, რაც პერსონალურად ჩემ წინააღმდეგ არის წარმოთქმული, არამედ ის, რაც ეხება ჩემს დამოკიდებულებას ქვეყანის მიმართ, რაც ჩემთვის წარმოადგენს ერთგვარ წითელ ხაზს. ასეთ პირობებში, ნებისმიერი ღირსეული ადამიანი არ დათანხმდებოდა და არ მიიღებდა მონაწილეობას დებატებში იმ შავი ძალის წარმომადგენლებთან, რომლებიც ამ ყველაფერზე მიდიან და არ ჩერდებიან.
ბევრი ვიფიქრე და გამომდინარე იქიდან, რომ მე პატივს ვცემ საზოგადოებასა და ამომრჩევლებს, ასევე პატივს ვცემ საარჩევნო პროცესსა და დემოკრატიული არჩევნების იდეას, ჩავთვალე, რომ უნდა გადავლახო ყველა ეს განცდა, ავიღო ინიციატივა და ვთქვა, რომ მე ამ შავი ძალის ორივე სახეს ვიწვევ დებატებში და მივიღებ მონაწილეობას ნეიტრალურ სივრცეში, რათა დავაფიქსირო ჩემი სიმართლე, ჩემი პოზიციები და ყველასთვის ნათელი მოვფინო იმას, რაც ხდება დღეს ქვეყანაში.
მსგავსი სიახლეები
სალომე ზურაბიშვილი – მე არ ვარ თერგდალეული, მე ვარ სენა დალეული და თურმე ეს არის ამ ქვეყანაში დანაშაული
სალომე ზურაბიშვილი – მე მზად ვარ გამოვიდე იმ სასახლიდან და თქვენთან მოვიდე ამ რეგიონში
