ტრამპი: უკრაინის პრეზიდენტთან ძალიან კარგი სატელეფონო საუბარი გვქონდა – როგორც აშშ-ის მომავალი პრეზიდენტი, მსოფლიოს მშვიდობას მოვუტან და დავასრულებ ომს, რომელმაც ამდენი ადამიანის სიცოცხლე შეიწირა
20.07.2024 / 20 ივლისი 2024
უკრაინის პრეზიდენტმა, ვოლოდიმირ ზელენსკიმ და აშშ-ის პრეზიდენტობის კანდიდატმა, დონალდ ტრამპმა სატელეფონო საუბარი გამართეს. ინფორმაციას ამის შესახებ დონალდ ტრამპი სოციალურ ქსელში ავრცელებს.
„მე და უკრაინის პრეზიდენტს დღეს ძალიან კარგი სატელეფონო საუბარი გვქონდა. მან [ვოლოდიმირ ზელენსკიმ] დაგმო გასულ შაბათს [ჩემი] მკვლელობის საზარელი მცდელობა. ვაფასებ პრეზიდენტ ზელენსკის ხელმისაწვდომობას, რადგან მე, როგორც აშშ-ის მომავალი პრეზიდენტი, მსოფლიოს მშვიდობას მოვუტან და დავასრულებ ომს, რომელმაც ამდენი ადამიანის სიცოცხლე შეიწირა და გაანადგურა უამრავი უდანაშაულო ოჯახი. ორივე მხარე შეძლებს მოლაპარაკების წარმოებას შეთანხმებაზე, რომელიც დაასრულებს ძალადობას და კეთილდღეობისკენ მიმავალ გზას გახსნის“, – აღნიშნა დონალდ ტრამპმა.
მსგავსი სიახლეები
პრემიერი აშშ-ის დამოუკიდებლობის დღესთან დაკავშირებით გამართულ მიღებაზე: საქართველო, როგორც ამაყი და თავისუფლების მოყვარული ერი, იზიარებს თავისუფლებისა და დემოკრატიის იგივე ღირებულებებსა, რაც ჩვენს მტკიცე მეგობრობას განაპირობებს
გახარია: ანაკლია წარმოგვიდგენია, როგორც აშშ-ის და საქართველოს სტრატეგიული პარტნიორობის პროექტი
