STV-ს რებრენდინგი დასრულდა – ამბები სამეგრელოდან, აფხაზეთიდან, სვანეთიდან
ახალი ამბების სააგენტო STV.ge, რომელიც მედიაბაზარზე ათ წელზე მეტია ოპერირებს მკითხველის წინაშე განახლებული კონცეფციით წარდგა. ახალი ამბების სააგენტო, მკითხველს სამეგრელოში, ოკუპირებულ აფხაზეთსა და სვანეთში მიმდინარე ამბებზე ოპერატიულად მიაწვდის ამომწურავ, გადამოწმებულ ინფორმაციას.
ახალი ვებ გვერდის კონცეფცია მარტივი და მოქნილია, გაიზარდა მულტიმედია პროდუქტის წვლილი, განახლდა საარქივო მასალის ძებნის ფუნქციაც. შეიცვალა ლოგო და ბრენდინგი.
ინტერნეტგამოცემა გარდა მიმდინარე ამბებისა მკითხველს ექსპერტების მოსაზრებებს და თემატურ ინტერვიუებს შესთავაზებს. STV აქტიურად გააშუქებს წინასაარჩევნო პროცესებს, ჩვენთვის უმთავრესია მკითხველს შევთავაზოთ ამომწურავი და მიუკერძოებელი ინფორმაცია რათა ამომრჩეველს ინფორმირებული არჩევანის გაკეთების შესაძლებლობა ჰქონდეს.
ჩვენი პლატფორმის მთავარი ხაზი მოქალაქეებს მათ სურვილებს, მოსაზრებებს, პრობლემების გადაჭრის გზებს დაეთმობა. მკითხველს თავად შეუძლია სპეციალურ პლატფორმაზე პრობლემისა და საჭიროების შესახებ ინფორმაციის მოწოდება და განთავსება.
გარდა ამისა ძლიერდება სოციალურ ქსელებში ჩვენი დომინირება, ჩვენ ახლაც გყავს ჩვენი რეგიონის მასშტაბით სოციალურ მედიაში ყველაზე მეტი გამომწერი, თუმცა მეტი ჩართულობისთვის ვგეგმავთ სხვადასხვა კამპანიებსა და სოც.მედია პროდუქტის კიდევ უფრო გაძლიერებას.
გვაქვს ახალი რუბრიკები, რომელიც საინტერესოდ წარმოაჩენს სხვადასხვა პროფესიის ადამიანებს, წარმატებულ ახალგაზრდებს, ისტორულ მოვლენებს, პოპულარიზაციას გაუწევს მეგრულ, აფხაზურ, სვანურ კერძებს.
ახალი რუბრიკა მთელი კვირა, კვირის განმავლობაში სხვადასხვა სფეროში მოღვაწე ადამიანების ერთ კვირას წარმოგიდგენთ. ორშაბათიდან-კვირის ჩათვლით საკუთარ ცხოვრებაზე თავად ავტორები მოყვებიან. ახალი რუბრიკა ყოველ ორშაბათს გამოქვეყნდება.
ჩვენი გუნდის მთავარი პრინციპებია: სიზუსტე, ოპერატიულობა, დაბალანსებული და ობიექტური ინფორმაციის მიწოდება საზოგადოებისთვის.
გამოცემამ გააძლიარა ტელეგრამ არხი, რომელიც ინფორმაციებს ოპერატიულ რეჟიმში გააშუქებს. შემოგვიერთდით ტელეგრამზე
მსგავსი სიახლეები
ზუგდიდში სოციალური პროგრამა “ერთი თბილი ოთახი“-ს მოწყობის სამუშაოები დასრულდა
,,ერთი თბილი ოთახი“-ს პროგრამაში ჩართვის მსურველთა ანკეტირების ეტაპი დასრულდა
