შს მინისტრის მოადგილეები და საგანგებო სიტუაციების მართვის სამსახურის უფროსი დაკარგულთა ოჯახებთან ერთად სტიქიის ზონაში არსებულ ვითარებას პირადად გაეცნენ. ფოტოგალერეა
შინაგან საქმეთა მინისტრის მოადგილეები – იოსებ ჭელიძე, გიორგი ბუთხუზი და საგანგებო სიტუაციების მართვის სამსახურის უფროსი თემურ მღებრიშვილი, იმ მოქალაქეების ოჯახის წევრებთან და ახლობლებთან ერთად, რომელთანაც დაკავშირება ამ დრომდე ვერ ხერხდება, სტიქიის ეპიცენტრში ჩაფრინდნენ.
მათ დეტალური ინფორმაცია მიიღეს ძებნა-შველის ღონისძიების მიმდინარეობასთან დაკავშირებით და სტიქიის ზონაში არსებულ ვითარებას პირადად გაეცნენ. დრონების საშუალებით მოხდა ტერიტორიის დათვალიერება.
შინაგან საქმეთა სამინისტროს წარმომადგენლების და სტიქიის დროს დაკარგული მოქალაქეების ოჯახის წევრების შეხვედრა გუშინ შედგა, რა დროსაც მათ გამოთქვეს სურვილი თავად ენახათ სტიქიის ზონაში არსებული რთული მდგომარეობა.
ონის მუნიციპალიტეტში, სტიქიის ზონაში, მეხანძრე-მაშველების მიერ ძებნა-შველის ღონისძიების ფარგლებში 11 ადამიანის ცხედარია ნაპოვნი.
დაკარგული მოქალაქეების ძებნის სამუშაოები მესამე დღეა უწყვეტ რეჟიმში მიმდინარეობს. სამუშაოებში ჩართულია საგანგებო სიტუაციების მართვის სამსახურის მეხანძრე- მაშველები, პოლიციის დანაყოფები, დრონები, სპეცტექნიკა და სასაზღვრო პოლიციის ვერტმფრენი. ასევე, სამუშაოებში ჩართულია საგანგებო სიტუაციების მართვის სამსახურის კინოლოგთა ჯგუფი.
მსგავსი სიახლეები
სახელმწიფო რწმუნებულის მოადგილეები ჩხოროწყუს უფასო სასადილოსა და ბაღებში არსებულ ვითარებას გაეცნენ
საგანგებო სიტუაციების მართვის სამსახური მოუწოდებს მოქალაქეებს, რომლებსაც სურთ სტიქიის ზონაში დრონების გამოყენება, თვითნებურად არ მიიღონ გადაწყვეტილება, რადგან ეს საფრთხის შემცველია იქ მომუშავე ვერტმფრენებისთვის
