სენაკის მუნიციპალიტეტს კიდევ ერთი განახლებული გზა – საარჩაიო-ზედა სორტის დამაკავშირებელი გზა შეემატა
ძველი სენაკის ადმინისტრაციულ ერთეულში, საარჩაიო-ზედა სორტის დამაკავშირებელი გზის სარეაბილიტაციო სამუშაოები დასრულების ეტაპზეა.
აღნიშნულ ლოკაციაზე, წლების შემდეგ, პირველად განხორციელდა საგზაო ინფრასტრუქტურული პროექტი, რომლის დასრულების შედეგად, კეთილმოწყობილი გზით სარგებლობას რამდენიმე სოფლის მოსახლეობა შეძლებს.
საარჩაიო-ზედა სორტის დამაკავშირებელი გზის რეაბილიტაციის პროცესს სენაკის მუნიციპალიტეტის მერი, ვახტანგ გადელია, მოადგილესთან, ლევან ელიავასთან ერთად გაეცნო.
პარალელურად, მუნიციპალიტეტის მასშტაბით, აქტიურად მიმდინარეობს საოდიშარიოს უბნის გზის რეაბილიტაცია; მუნიციპალური აიპების – ხელოვნების, მოსწავლე-ახალგაზრდობისა და კულტურის ცენტრების რებილიტაციის პროცესი; მრავალბინიანი საცხოვრებელი კორპუსის ფასადის რეაბილიტაცია და ეზოების კეთილმოწყობის სამუშაოები – ქალაქად, ორ ლოკაციაზე; დამცავი ჯებირები ეწყობა ეკის ადმინისტრაციულ ერთეულში, იოანე ნათლისმცემლის სახელობის ტაძრისკენ მისასვლელ გზაზე; ქალაქად, ცერცვაძის ქუჩის მეორე ჩიხში, ინტენსიურ რეჟიმში მიმდინარეობს სანიაღვრე სისტემის მოწყობის სამუშაოები.
