სენაკს კიდევ ერთი განახლებული გზა შეემატა
2023 წლის საგზაო ინფრასტრუქტურული პროექტების ნუსხას კიდევ ერთი – ყოფილი 139-ე პროფტექნიკური სასწავლებლიდან ახალსოფლისკენ მიმავალი გზის რეაბილიტაციის პროექტი შეემატა.
პროექტი რეგიონული განვითარების ფონდიდან დაფინანსდა და მისი ღირებულება 391 323 ლარს შეადგენს. პროექტის ფარგლებში, ყოფილი 139-ე პროფტექნიკური სასწავლებლიდან ახალსოფლისკენ მიმავალი გზის მონაკვეთზე ასფალტის საფარი მოეწყო.
სენაკის მუნიციპალიტეტისთვის, მიმდინარე წელი, ინფრასტრუქტურული პროექტების სიმრავლით გამორჩეული წელია.
პარალელურად, მუნიციპალიტეტის მასშტაბით, ინტენსიურ რეჟიმში მიმდინარეობს საგზაო, სტიქიის ობიექტების სარეაბილიტაციო, ხიდ-ბოგირების მოწყობა-რეკონსტრუქციისა და აღდგენის სამუშაოები, ასევე სპორტული ინსფრასტრუქტურული პროექტები და კეთილმოწყობის სამუშაოები – სხვადასხვა მიმართულებით.
სენაკის მუნიციპალიტეტის მერის, ვახტანგ გადელიას მერობის პერიოდში, მუნიციპალიტეტის მასშტაბით, რეაბილიტირდა – 63 კმ-მდე საავტომობილო გზა, ღირებულებით – 31 862 500 ლარი; ქალაქად – 18 კმ-მდე; ადმინისტრაციულ ერთეულებში – 45 კმ-მდე.
