ხობში Საახალწლო კონცერტი გაიმართა
29.12.2022 / 29 დეკემბერი 2022
ქალაქ ხობში, საქართველოს პრემიერ-მინისტრის ინიციატივითა და მთავრობის ადმინისტრაციის ორგანიზებით წინასაახალწლო ზეიმი გაიმართა.
ქალაქის ცენტრში მოეწყო საბავშვო გასართობი სივრცეები, ხის საახალწლო სახლები, საახალწლო-საშობაო ბაზრობა, ინსტალაციები და ფოტოს გადასაღები სტენდები.
ბავშვების სადღესასწაულო განწყობაზე ზღაპრების კოსტიუმირებული გმირები, თოვლის ბაბუა, ელფები და მოსიარულე მუსიკოსები ზრუნავდნენ.
ღია სივრცეში მოწყობილ საკონცერტო სცენაზე ჯგუფ „ოჩოს ქოხის“, ადგილობრივი შემსრულებლების და ჯგუფ “anik”-ის მონაწილეობით კონცერტი გაიმართა.
სადღესასწაულო ღონისძიება საზეიმო ფეიერვერკით დასრულდა.
