ირაკლი კობახიძე: ვერანაირი შანტაჟით ისინი ვერ აიძულებენ ბიძინა ივანიშვილს, რომ ქვეყნის ომში ჩასართავად დაბრუნდეს პოლიტიკაში
კონკრეტულად უკრაინის უშიშროების საბჭო, მისი მდივანი მოგვიწოდებს მეორე ფრონტისკენ. გვახსოვს დანილოვის პირდაპირი მოწოდება მეორე ფრონტთან დაკავშირებით. ზუსტად იგივე უწყება პრაქტიკულად აშანტაჟებს ქვეყანას სანქციებით, – ამის შესახებ „ქართული ოცნების“ აღმასრულებელმა მდივანმა ირაკლი კობახიძემ პარლამენტში განაცხადა.
„ეს არის შანტაჟის მცდელობა, რომ გახსნან მეორე ფრონტი და ჩაითრიონ ქვეყანა ომში. ეს არის სასოწარკვეთილი მცდელობა მე ასე მქონია. მე მგონია, რომ საქართველოში მეორე ფრონტი არცერთ შემთხვევაში არ გაიხსნება. ისინი არ იცნობენ ბიძინა ივანიშვილს. ბიძინა ივანიშვილმა თავის წერილში დააფიქსირა, რომ იყო პირდაპირი მცდელობა შანტაჟის გზით დაებრუნებინათ პოლიტიკაში, ქვეყანა ჩაერთო ომში. კულისებს მიღმა რაც იყო ახლა ამის ღია მცდელობაა. რა თქმა უნდა ვერანაირი შანტაჟით ისინი ვერ აიძულებენ ბიძინა ივანიშვილს, რომ ქვეყნის ომში ჩასართავად დაბრუნდეს პოლიტიკაში. ეს არის უბრალოდ გამორიცხული“, – განაცხადა ირაკლი კობახიძემ
მსგავსი სიახლეები
ირაკლი კობახიძე: მიუხედავად იმისა, რომ რადიკალური ოპოზიციის, ასევე მდიდარი ენჯეოების ლიდერები, იმალებიან ოფისებში, ისინი ვერ გაექცევიან პასუხისმგებლობას მძიმე, უხეში ძალადობის გამო, რომელსაც ვხედავთ რუსთაველის გამზირზე
ირაკლი კობახიძე: შემაშფოთებელია, როდესაც ქვეყნის პრეზიდენტი საუბრობს, რომ საქართველო შარშან არ იმსახურებდა კანდიდატის სტატუსს, იმ ფონზე, როდესაც ევროკავშირმა თვითონ აღიარა, რომ უარი იყო უსამართლო
