ფოთის მერი ძველ ქალაქებში ტურიზმის მდგრადი განვითარების ფორუმს დაესწრო
19.10.2022 / 19 ოქტომბერი 2022
ქალაქ ფოთის მერი ბექა ვაჭარაძე ძველ ქალაქებში ტურიზმის მდგრადი განვითარების ფორუმს დაესწრო, რომელიც ანტალიაში მურატფაშას მუნიციპალიტეტში ჩატარდა.
ფოთის მერიის ინფორმაციით, ფორუმზე 27 ქვეყნის 52 უძველესი ქალაქის დელეგატი იყო მიწვეული.
ფორუმის მიზანი იყო, რომ მსოფლიოს სხვადასხვა ქვეყნებს ერთმანეთისთვის გაეცნო ქალაქების ტურისტული პოტენციალი, კულტურა, ისტორია და მემკვიდრეობა.
,,ვიზიტმა მომცა შესაძლებლობა, ფართო აუდიტორიის წინაშე წარმედგინა ჩვენი ქალაქი, თავისი ისტორიით და სამომავლო გეგმებით, რაც ახალ შესაძლებლობებს იძლევა ეკონომიკური და ტურისტული პოტენციალის ამაღლების კუთხით” -განაცხადა ბექა ვაჭარაძემ.
მურატფაშას მუნიციპალიტეტმა ძველი ქალაქების საერთაშორისო ფესტივალს წელს მე-7 უმასპინძლა
