სენაკში, უკრაინელი ხალხის დასახმარებლად, ჰუმანიტარული აქცია გრძელდება
სენაკის მუნიციპალიტეტში, უკრაინელი ხალხის დასახმარებლად გახსნილ ჰუმანიტარული ტვირთის მიმღებ ცენტრში, ჰუმანიტარული დახმარების შეგროვება აქტიურად გრძელდება.
ჰუმანიტარულ აქციაში მუნიციპალიტეტის მერიის სამსახურები, სენაკის ბავშვთა საავადმყოფო, ამბულატორიულ-პოლიკლინიკური და საავადმყოფო-პოლიკლინიკური გაერთიანებები, სკოლამდელი აღზრდის სექტორი, საზოგადოებრივი ჯანდაცვის ცენტრი, სხვა მუნიციპალური აიპ-ები, შპს-ები, საჯარო სკოლები, წმინდა ალექსი შუშანიას სახელობის მართლმადიდებლური სკოლა- გიმნაზია, ადგილობრივი მოსახლეობა და ბიზნესსექტორი აქტიურად არიან ჩართულები.
სენაკის მუნიციპალიტეტის მერიის სარეზერვო ფონდიდან ასევე გამოიყო 20 000 ლარი. აქციაში ჩართვის მსურველებმა ინფორმაციისთვის უნდა დარეკონ: 599 28 72 40. არამალფუჭებადი საკვებისა და პირველადი მოხმარების ნივთების მოტანა შესაძლებელია შემდეგ მისამართზე: ქ. სენაკი, გოგოლაძის მოედანი 1 (თეატრალურ მოედანთან). ჰუმანიტარული ტვირთის ტრანსპორტირებას სამეგრელო-ზემო სვანეთის სახელმწიფო რწმუნებულის ადმინისტრაცია საქართველოს მთავრობის დახმარებით უზრუნველყოფს.
