ზუგდიდმა EU4CULTURE-ს საგრანტო კონკურსის მეორე ეტაპი წარმატებით გაიარა და 30 000 ევროს გრანტი მოიპოვა
ზუგდიდმა EU4CULTURE-ს საგრანტო კონკურსის მეორე ეტაპი წარმატებით გაიარა და 30 000 ევროს გრანტი მოიპოვა. ზუგდიდს პირველად ექნება კულტურის განვითარების სტრატეგიის დოკუმენტი, ევროკავშირის ფინანსური მხარდაჭერით.
პროექტ EU4Culture კონკურსში “განაცხადების მიღება კულტურის განვითარების სტრატეგიის შემუშავების მხარდასაჭერად” შერჩეულ ქალაქებს შორის ზუგდიდი ერთ-ერთი გამარჯვებულია.
კონკურსში მონაწილეობა მიიღო 70-მა ქალაქმა აღმოსავლეთ პარტნიორობის 5 ქვეყნიდან: აზერბაიჯანი, მოლდოვა, საქართველო, სომხეთი და უკრაინა. საქართველოდან კონკურსში მონაწილეობის სურვილი 11-მა ქალაქმა გამოთქვა. მიღებული განაცხადების სიღრმისეული შეფასების შემდეგ, EU4Culture-მ თითოეული ქვეყნიდან შერჩეული 5 ქალაქი გამოავლინა.
საქართველოდან კონკურსის შემდეგ ეტაპზე ზუგდიდი, ახალციხე, თელავი, ფოთი და ქუთაისი გამოვლინდნენ. შერჩეულ ქალაქებს სრული საკონკურსო განაცხადის მოსამზადებლად 1000 ევრომდე გრანტი გადაეცემათ.
EU4Culture ევროკავშირის მიერ დაფინანსებული ოთხწლიანი პროექტია, რომელიც მიზნად ისახავს აღმოსავლეთ პარტნიორობის ქვეყნებში კულტურისა და შემოქმედებითი სექტორის მხარდაჭერას. პროექტს ახორციელებენ გოეთეს ინსტიტუტი (წამყვანი პარტნიორი), დანიის კულტურის ინსტიტუტი, ჩეხეთის ცენტრები და საქართველოს ფრანგული ინსტიტუტი.
მსგავსი სიახლეები
12 ოქტომბერს ანსამბლ ,,ფორტე’’-ს 30 წლის საიუბილეო საღამო და ვარსკვლავის გახსნა გაიმართება
პრემიერი: 30 წლის წინ დაიწყო ჩვენი ეროვნული ნაკრების ისტორია და 30 წლის თავზე პირველად შევძელით და გავედით უმაღლესი რანგის ტურნირზე – ევროპის ჩემპიონატზე, რაც განსაკუთრებული სიამაყის საგანია
