ვინ არის ბანკზე თავდამსხმელი – რას ამბობენ ნიკოლოზ წურწუმიაზე ზუგდიდში
16.04.2021 / 16 აპრილი 2021
საქართველოს ბანკზე თავდასხმაში ბრალდებული ნიკოლოზ წურწუმიას, ახლობლებისა და მეზობლების განცხადებით, 27 წლის ახალგაზრდას ფსიქოლოგიური პრობლემები აქვს.
მათივე განცხადებით, წურწუმია თვეებია ზუგდიდში საკუთარ საცხოვრებელ სახლში არ იმყოფება და ის თბილისში ცხოვრობს. თუ რას საქმიანობდა ნიკოლოზ წურწუმია თბილისში მათ ამის შესახებ ინფორმაცია არ აქვთ.
ბრალდებულის დედა ემიგრაციაში იმყოფება, ხოლო და ასევე თბილისში ცხოვრობს. მათივე თქმით, ახალგაზრდა ახლახან დაოჯახდა რის შემდეგაც მან საკუთარი საცხოვრებელი სახლი დატოვა და თბილისში გადავიდა.
![გარევაჭრობა ზუგდიდში – რას ფიქრობს ხალხი, არასამთავრობოები და რას აპირებს ხელისუფლება?! [ვიდეო]](https://api.stv.ge/uploads/null)
