21 დეკემბერს გაუჩინარებული შალვა გულუა უკვე საკუთარ სახლში იმყოფება
28.12.2020 / 28 დეკემბერი 2020
ზუგდიდის მუნიციპალიტეტში 21 დეკემბერს გაუჩინარებული შალვა გულუა უკვე საკუთარ სახლში იმყოფება.გულუა გაუჩინარების ფაქტს ხსნის იმით, რომ ავტოსაგზაო შემთხვევა მოუვიდა და ამიტომ გაერიდა იქაურობას.
არსებული ინფორმაციით, ის უკვე გამოკითხეს სამართალდამცველებმა. შალვა გულუა 21 დეკემბერს გაუჩინარდა. ის დისტრიბუტორია. ავტომანქანა, რომლითაც ის გადაადგილდებოდა, ზუგდიდის მუნიციპალიტეტის სოფელ ყულიშკარში იპოვეს.
ავტომანქანა დაზიანებული იყო. შალვა გულუას დედის განცხადების საფუძველზე გამოძიება სსკ-ის 143-ე მუხლით მიმდინარეობდა, რაც თავისუფლების უკანონო აღკვეთას გულისხმობს.
