სოხუმის დაცემის დღესთან დაკავშირებით სამეგრელოში ადმინისტრაციული ორგანების შენობებზე სახელმწიფო დროშები დაშვებულია
27.09.2020 / 27 სექტემბერი 2020
- სოხუმის დაცემის დღესთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით საქართველოს ტერიტორიაზე სახელმწიფო დროშები დაშვებულია.
სახელმწიფო დროშები დაუშვეს სამეგრელო-ზემო სვანეთის სახელმწიფო რწმუნებულის ადმინისტრაციის და რეგიონის მასშტაბით არსებული ყველა ადმინისტრაციული ორგანოს შენობაზე.
სოხუმის დაცემის დღიდან 27 წელი გავიდა. აფხაზეთის ომი 1992 წლის 14 აგვისტოს დაიწყო, სამხედრო კონფლიქტი 13 თვესა და 13 დღეს გაგრძელდა.
