ზუგდიდში, სპეცოპერაციის შედეგად დათო შენგელიას შვილი დააკავეს
12.07.2020 / 12 ივლისი 2020
- ზუგდიდის მუნიციპალიტეტში, დადიანების ქუჩაზე სპეცოპერაცია ჩატარდა.არსებული ინფორმაციით დაკავებულია “ტყის ძმების” მეთაურის, დათო შენგელიას შვილი დადუ შენგელია. ის ცენტრალური კრიმინალური პოლიციის სპეციალური რაზმის წარმომადგენლებმა რამდენიმე წუთის წინ დააკავეს.
stv ს ინფორმაციით, გამოძიება მას ნარკოტიკული საშუალების შენახვა, შეძენა, ტარება, მოხმარებასა და ადამიანის ჯანმრთელობის განზრახ მძიმე დაზიანებას ედავება.
6 ივლისს ზუგდიდის რეფერალურ საავადმყოფოში ცეცხლსასროლი იარაღიდან მიყენებული ჭრილობით შუა ხნის მამაკაცი შეიყვანეს. როგორც stv-ს კონფიდენციალური წყარო უყვება, დავარაუდოდ გამოძიება დადუ შენგელიას სწორედ ამ პირის ჯანმრთელობის განზრახ მძიმე დაზიანებას ედავება.
როგორც მაშინ ზუგდიდის რეფერალურ საავადმყოფოში განაცხადეს, პაციენტს ერთი ჭრილობა ქონდა ბარძაღის არეში, მას ჩაიტარდა შესაბამისი სამედიცინო დახმარება და კატასტროფის სამსახურის მიერ გადაყვანილ იქნა ქუთაისის სამედიცინო დაწესებულებაში.
