ფოთის ბაზარი დღეს დილიდან მუშაობას აგრძელებს
ფოთის ბაზარი დღეს დილიდან მუშაობას აგრძელებს. ობიექტზე გამკაცრებულია სანიტარული ნორმები. ბაზარში შემსვლელი ყველა მოქალაქე შესასვლელ კართან თავის ფულს აძლევს პირს, რომელიც რკინის ფულს ანტისეპტიკურ ხსნარში ამუშავებს, ხოლო ქაღალდის ფულს აუთოებს და მფლობელს ისე უბრუნებს.
ბაზრის ადმინისტრაციის გადაწყვეტილებით, მიმდინარეობს მოქალაქეთა თერმოსკრინინგიც. ადმინისტრაციის განცხადებით აღნიშნული ღონისძიებები კოვიდ 19-ის გავრცელების თავიდან ასაცილებლად, პრევენციისთვის ხორციელდება.
,,ოფიციალურად ბაზრის დახურვაზე ჩვენ არაფერი მიგვიღია. ბრძანება ყველგან მივიდა დახურვის და ჩვენთა არა, იმედი გვაქვს, რომ არ დავიხურებით. თუ მსგავსი ბრძანება მივიღეთ იმ დღესვე დაიხურება ბაზარი. ჩვენთან რამდენიმე დღის წინ გუბერნატორი ჩამობრძანდა და გვითხრა, მოგვეფიქრებია ისეთი რამე , რომ მომხმარებლებს ფულთან არ ჰქონოდა შეხება. ვიფიქრეთ ტერმინელებზე, ბარათებით მომსახურებაზე, მაგარმ ბარათიც ბევრს აქვს, ბევრს კი არა. ყველა აქ შემომსვლელს ტემპერატურას ვუზომავთ , ხელთათმენების ქონა აუცილებელია. დღეს გამოგვიგზავნიან თბილისიდან ბახილებს. ფული ანტისეპტიკური ხსნარით მუშავდება და შემდეგ უთოვდებ , ამის მოფიქრება შევძელით . ამ მეთოდმა გაამართლა. ჩვენ ამას მარტო ვერ გავაკეთებთ, ხელისუფლება , პოლიცია ყველა ერთობლივად ჩართულია ამ საქმეში.”- განაცხადა ფოთის ბაზრის დირექრორმა, ნოდარ კორსანტიამ.
