სოფელ ზედა ეწერში ხანძარია
25.12.2019 / 25 დეკემბერი 2019
ზუგდიდის მუნიციპალიტეტის სოფელ ზედა ეწერში ხანძარია. როგორც ადგილობრივები ამბობენ, ხანძარი გამხმარ მიდვრებს გაუჩნდა, შემდეგ ცეცხლი თხილნარებსა და ხეებს გადაედო. ადგილზე საგანგებო სიტუაციების ორი ბრიგადა მუშაობს და ამწუთებში ხანძრის სალიკვიდაციო სამუშაო მიმდინარეობს.
,,პროგნოზირება ძალიან რთულია ასეთ შემთხვევაში და დამოკიდებულია ბევრ ფაქტორზე. მინდა დაგარწმუნოთ ერთ რამეში, რომ ჩვენი სახანძრო- სამაშველო სამსახური მაქსიმალურად აკონტროლებს სიტუაციას. მობილიზებულია ყველა შესაბამისი სამსახური. ვაკონტროლებთ სიტუაციას რომ არ მოხდეს ხანძრის განსაკუთრებული გავრცელება, თუმცა ძალიან რთულია პროგნოზირება ამ შემთხვევაში.”- განაცხადა სამეგრელო- ზემო სვანეთში სახელმწიფო რწმუნებულმა, ალექსანდრე მოწერელიამ.
