გიორგი შენგელიას სარეკლამო ვიდეორგოლის საპასუხოდ, სანდრა რულოვსმა სოციალურ ქსელში 7 წლის წინ გადაღებული კლიპი ატვირთა
“ზუგდიდელები- ასე ჰქვია „ქართული ოცნება – დემოკრატიული საქართველოს“ ზუგდიდის მერობის კანდიდატის, გიორგი შენგელიას მხარადსაჭერ სარეკლამო კლიპს, რომელიც სოციალურ ქსელში გუშინ გამოჩნდა. ვიდეორგოლმა, რომლის იდეაც ჯანსაღ ღირებულებებზე დაფუძნებული ზუგდიდის განვითარების გზის დაგეგმვაა, მოქალაქეების ყურადღება მაშინვე მიიპყრო.
აქტივობას არ ჩამორჩა გაერთიანებული ოპოზიციის მერობის კანდიდატი, სანდრა რულოვსი და დღეს საზოგადოებას თავი 7 წლის წინ გადაღებული კლიპით შეახსენა, რომელიც Facebook-ის ოფიციალურ გვერდზე განათავსა.
ცნობისთვის, გიორგი შენგელიას მხარადსაჭერ სარეკლამო კლიპში მონაწილეობა სხვადასხვა თაობის ზუგდიდელებმა მიიღეს, მის შექმნაში კი ლაშა ნოზაძე, ჯგუფმა REGGAEON, გივი მაღრაძე, ამიკო გელაშვილი, კახი ბილანიშვილი და ანსამბლი „ჩვენებურები“ მონაწილეობდნენ.
ვიდეორგოლი უკვე 200 000-ზე მეტმა მოქალაქემ ნახა. ეს პირველი შემთხვევა არ არის, როდესაც სანდრა რულოვსი, გიორგი შენგელიას წინასაარჩევნო კამპანიას ბაძავს, ოცნების მერობის კანდიდიატის მხარდამჭერები ვიდეორგოლები უკვე თვეზე მეტია სოციალურ ქსელებში იტვირთება, გუშინ კი მსგავსი ვიდეორგოლი გაერთიანებული ოპოზიციის მერობის კანდიდატმაც ატვირთა.
