“ევროპულმა საქართველომ” კომბინატში დარბაზი დაჯავშნა – რისთვის ემზადება პოლიტიკური პარტია?
08.04.2019 / 8 აპრილი 2019
“ევროპული საქართველო” ზუგდიდში დიდი შეხვედრისთვის ემზადება. აღნიშნული ინფორმაცია STV-ს საკუთარმა წყარომ რამდენიმე წუთის წინ აცნობა. პოლიტიკური პარტიის ადგილობრივმა ლიდერებმა საამისოდ კულტურისა და ხელოვნების ცენტრ “ოდიშის” საკონცერტო დარბაზი 20-დან 28 აპრილამდე დაჯავშნეს. STV-ს წყარო აცხადებს, რომ სწორედ ამ დიდ შეკრებაზე “ევროპული საქართველო” ზუგდიდის მერობაზე საკუთარ კანდიდატს წარადგენს.
STV აღნიშნულთან დაკავშირებით “ევროპული საქართველოს” ერთ-ერთ ადგილობრივ ლიდერს, ზუგდიდის საკრებულოს წევრ ბათლომე შელიას დაუკავშირდა. შელიამ უარყო დარბაზის დაჯავშნის შესახებ არსებული ინფორმაცია და განაცხადა, რომ ასეთ ფაქტს ადგილი არ ჰქონია.
