ფოთის მერის მოადგილემ თანამდებობა დატოვა
29.03.2019 / 29 მარტი 2019
ქალაქ ფოთის მერიაში ირაკლი თოფურიას შემდეგ მერის რიგით მეორე მოადგილეც თანამდებობას ტოვებს. გიორგი ფარეშიშვილი 1 აპრილიდან საჯარო სამსახურს გამოემშვიდობება და ერთ-ერთ საერთაშორისო ორგანიზაციაში გადაინაცვლებს. საკადრო ცვლილების შესახებ ფოთის მერიაშიც ადასტურებენ. მათი განცხადებით, ფარეშიშვილმა განცხადება თანამდებობიდან გატავისუფლების სესახებ დაწერა და მერის ბრძანება ძალაში პირველს აპრილს, ორშაბათს შევა.
შეგახსენებთ, რომ ქალაქ ფოთის მერის მოადგილემ, ირაკლი თოფურიამ საკუთარი განცხადების საფუძველზე თანამდებობა 2018 წლის 11 ოქტომბერს დატოვა. მისი ადგილი კი კონსტანტინე თოფურიამ დაიკავა.
ფოთის მერს გოჩა კურდღელიას ორი მოადგილე ჰყავს. 1 აპრილიდან კი ერთ-ერთი მოადგილის ადგილი ვაკანტური გახდება.
