გიგი უგულავა – ამაზე პასუხისმგებლობა ივანიშვილის რეჟიმს ეკისრება
“ევროპული საქართველოს” ერთ-ერთი ლიდერის გიგი უგულავას განცხადებით, ოკუპირებულ გალში საეჭვო ვითარებაში გარდაცვლილი ირაკლი კვარაცხელიას საქმეზე პსუხისმგებლობა ხელისუფლებას ეკისრება. ამის შეშახებ მან ჟურნალისტებს თემის კომენტირებისას განუცხადა.
“პირველ რიგში მინდა ირაკლის ოჯახს და ახლობლებს მივისამძიმრო. ეს არის უდიდესი ტრაგედია, მთელი ქვეყნის ტრაგედია.მე არ მინდა ხელი გავიშვირო კონკრეტული ადამიანებისკენ, რადგან კონკრეტულ ბოროტებას კონკრეტული ადამიანები ჩადიან, რომლებიც სასჯელს იმსახურებენ. მაგრამ პასუხისმგებლობა ეკისრება იმ მთავრობას, რომელმაც ქვეყანა მიიყვანა მდგომარეობამდე რომ პატივს არ სცემენ მისი მეგობრები და არ ეშინიათ მტრებს.
ამაზე პასუხისმგებლობა ივანიშვილის რეჟიმს ეკისრება. შეუძლებელია ქვეყანამ აიტანოს, როდესაც დღისით მზისით ასე კლავენ მის შვილებს და სახელმწიფო საერთაშორისო სანქციების ქვეშ მოაქციოს ეს ადამიანები, ვინც ეს ტრაგედია დაატეხა ოჯახს,” – განაცხადა უგულავამ.
