ზუგდიდში თხილის მწარმოებელთა ასოციაციის რიგით მესამე კონფერენცია ჩატარდა

11.02.2019 / 11 თებერვალი / 11.02.2019

თხილის სექტორში არსებულ გამოწვევებსა და მათი გადაჭრის გზებზე ისაუბრეს ზუგდიდში, სადაც საქართველოს თხილის მწარმოებელთა ასოციაციის რიგით მესამე კონფერენცია ჩატარდა. გარემოს დაცვისა და სოფლის მეურნეობის მინისტრმა ლევან დავითაშვილმა კიდევ ერთხელ ხაზი გაუსვა მეთხილეობის დარგის განვითარების მნიშვნელობას. ასევე დეტალურად ისაუბრა სახელმწიფო ხედვასა და თზილის კულტურის დაცვის მიზნით დაგეგმილ ხელშემწყობ ღონისძიებებზე.

კონფერენციის მუშაობაში 400-ამდე ფერმერი, მსზვილი მწარმოებლები, ექსპორტიორები, აჭარის ავტონომიური რესპუბლიკის სოფლის მეურნეობის მინისტრი, რეგიონების სახელმწიფო რწმუნებულები, არასამთავრობო, საერთაშორისო და დონორი ორგანიზაციების წარმომადგენლები ესწრებოდნენ.