ქორეოგრაფიულ ამსამბლ “თუთარჩელას” 500 ბავშვი ხელისუფლებისგან დახმარებას ითხოვს
ზუგდიდი კულტურის სახლთან არსებული ქორეოგრაფიულ ამსამბლ “თუთარჩელას” 500 ბავშვი ხელისუფლებისგან დახმარებას ითხოვს. როგორც ზუგდიდის შპს კულტურისა და ხელოვნების სახლის დირექტორი ნატო გელენავა გელენავა აცხადებს, ბავშვები სამეცადინო დარბაზის გარეშე არიან დარჩენილები. მისივე თქმით, სამეცადინოდ მოსულ ბავშვებს კულტურის სახლის კარები დახურული დახვდათ.
“სამეცადინოთ მოსულ ბავშვებს დარბაზის კარები დაუხურეს და კარებისკენ მიუთითეს, რომ დაეტოვებინათ აქაურობა, ბავშვებო ტიროდნენ , კედელს თავს არტყამდნენ, პასუხი არავინ არ გაგვცა. მიგვითითეს კარებისკენ. 15 ოქტომბრიდან ვიწყებდით მეცადინეობას. ძალიან უკანონოდ არის ყველაფერი გაკეთებული და დახმარებას ვითხოვთ “,- აცხადებს გელენავა.
კულუტურის სახლში სადაც ანსამბლ “თუთარჩელას” მოცეკვავეები მეცადინეობდნენ, ზუგდიდის მერიამ თეატრალურ დასს დაუთმო. როგორც ზუგდიდის მუნიციპალიტეტის მერიის პრესსამსახური აცხადებს თეატრალურ დასს აუცილებლად სჭირდებოდა ფართი, რათა ღია ცისქვეშ არ დარჩენილიყვნენ და რეპეტიციები განეახლებინათ.
“თეატრის რეაბილიტაცია მიმდინარეობს და სასიცოცხლოდ მნიშვნელოვანია ქალაქისთვის თეატრი, რაც შეეხებათ ბავშვებს, მერია ალტერნატიულ ფართის მოძიებაზე უკვე ზრუნავს”,-აცხადებს ზუგდიდის მერიის საზოგადოებასთან ურთიერთობის სამსახურის ხელმძღვანელი მაგდალინა თოდუა.
