პარიზის მერი ანნ იდალგო უსახლკაროებს მერიის შენობაში შეიფარებს
14.10.2018 / 14 ოქტომბერი 2018
პარიზის მერი ანნ იდალგო ზამთარში უსახლკარო ადამიანებისთვის დედაქალაქის მერიის შენობაში ადგილს გამოყოფს. ამის შესახებ მან გამოცემა Journal du Dimanche-ს განუცხადა.
ანნ იდალგოს თქმით, მისი სურვილია, რომ ქალაქის მუნიციპალურ შენობებში უსახლკაროებისთვის ზამთარში ადგილი გამოიყოს. 100 უსახლკაროსთვის გამოიძებნა ადგილი, სადაც ისინი ღამით დაძინებას შეძლებენ და უფასო საკვებს მიიღებენ.
იდალგომ ქალაქის ცივ ქუჩებში მცხოვრები 3000-მდე უსახლკაროსთვის “სრული მობილიზაცია” გამოაცხადა და დასძინა, რომ ქალაქმა სხვებს მაგალითი უნდა მისცეს. მან სხვადასხვა დაწესებულებას და კომპანიას ამ საქმეში დახმარება სთხოვა და მოუწოდა, რომ თუ აუთვისებელი ადგილები აქვთ, უსახლკაროებს დაუთმონ.
![მესტიის მერიის შენობაში დამონტაჟებული საათი რეალურ დროზე გადავიდა [დღის ფოტო]](https://api.stv.ge/uploads/2019/01/49682690_607922162996938_3873045329637015552_n.jpg)