სოფელ ჯიხაშკარში გზის მოთხოვნით საპროტესტო აქცია ადგილობრივებმა გამართეს
15.09.2018 / 15 სექტემბერი 2018
ზუგდიდის მუნიციპალიტეტის სოფელ ჯიხაშკარში გზის მოთხოვნით საპროტესტო აქცია გაიმართა. ადგილობრივებმა ცენტრალური გზის გადაკეტვა სცადეს, თუმცა სამართალდამცავებმა მათ ამის საშუალება არ მისცეს.
ჯიხაშკარელები საზარანდიოს უბანში 6 კილომეტრიანი მონაკვეთის აღდგენასა და მოსაცდელის გაკეთებას ითხოვენ.
ადგილობრივების განცხადებით, აქციის მსვლელობისას მათთან ხელისუფლების წარმომადგენლები მივიდნენ და პრობლემის მოგვარებას დაპირდნენ, თუმცა ისინი დარწმუნებულნი არიან, რომ დაპირება მხოლოდ დაპირებად დარჩება.
