“მაისამდე დიდი დროა”- ფიქრობს თუ არა ზუგდიდის ყოფილი მერი, ისევ მერობაზე?
13.09.2018 / 13 სექტემბერი 2018
ზუგდიდის მერი გადადგა. ამიშ შემდეგ გაჩნდა კითხვა, როდის ჩატარდება არჩევნები და ვინ შეიძლება მმართველმა გუნდმა მომავალი მერის კანდიდატად მოიაზროს. საზოგადოებაში უკვე დილიდან გაჩნდა მითქმა-მოთქმა, რომ 2019 წლის მაისში მერობის კანდიდატად შესაძლოა ზუგდიდის ყოფილი მერი, ირაკლი გოგოხია მოგვევლინოს.
STV ზუგდიდის ყოფილ მერს, ირაკლი გოგოხიას დაუკავშირდა. გოგოხიამ განაცხადა, რომ ჯერ ამაზე არაფერს არ ფიქრობს, თუმცა გამორიცხული არაფერია.
“მაისამდე ჯერ კიდევ დიდი დროა და რას გადავწყვეტ, ეს მანამდე გამოჩნდება. ამ წუთას მართლა არ მიფიქრია ამაზე”-განაცხადა ირაკლი გოგოხიამ.
