“მოითმინეთ და ყველაფერს გაიგებთ” -რა ხდება ზუგდიდის მერიაში?!
გავრცელებული ინფორმაციის თანახმად, ზუგდიდის მერის შემდეგ გადადგომის შესახებ განცხადებას მოქმედი ვიცე-მერიც, გია გულორდავაც გააკეთებს. STV-ს სანდო წყარომ განუცხადა, რომ გია გულორდავამ საკუთარი კაბინეტის დაცლა უკვე საღამოჟამს დაიწყო, თუმცა ჟურნალისტების სატელეფონო ზარებს ამ დრომდე არ პასუხობს.
STV ვიცე-მერის ერთ-ერთ მეგობარს დაუკავშირდა, რომელმაც განაცხადა, რომ გულორდავას ჯერჯერობით გადადგომის შესახებ განცხადება არ გაუკეთებია, თუმცა გამორიცხული არაფერია.
“ხვალ ან ზეგ თქვენც გაიგებთ ყველაფერს. ცოტაც მოითმინეთ და გაიგებთ”-აცხადებს STV-თან ვიცე მერის ერთ-ერთი მეგობარი.
ჯერჯერობით არავინ იცის თუ როგორ განვითარდება მოვლენები ზუგდიდის მერიაში და გადადგომის რა მიზეზებს დაასახელებს ზუგდიდის მერი ორშაბათს ჟურნალისტებთან, თუმცა უცნობია რატომ იღებს მსგავს გადაწყვეტილებას ვიცე-მერი გადადგომაზე.
STV-ს წყაროს ცნობით, ლაშა გოგიას მომავალ არჩევნებამდე მერის კიდევ ერთი მოადგილე მაიზერ ნანავა ჩაანაცვლებს. არჩევნები სავარაუდოდ 2019 წლის მაისში გაიმართება.
