განმუხურში საუკუნოვანმა ხეებმა ხმობა დაიწყო- მოსახლეობა მიზეზების გარკვევას ითხოვს
09.09.2018 / 9 სექტემბერი 2018
განმუხურში, აკვაპარკის ტერიტორიასთან საუკუნოვანმა ხეებმა ხმობა დაიწყო. ტერიტორია, სადაც ორმოცამდე ხემ ერთდროულად დაიწყო ხმობა, ეკონომიკის სამინისტროს ეკუთვნის.
2008 წელს ეს ადგილი რუსი ოკუპანტების სამიზნეც იყო, სწორედ ამ ხეების შემოგარენში ოკუპანტებმა პატრიოტთა ბანაკი გადაწვეს, ცეცხლის ალში გახვეული ხეები მაშინ ადგილობრივმა მაცხოვრებლებმა გადაარჩინეს.
განმუხური-ანაკლიის მოსახლეობა აცხადებს, რომ ადგილი სანაპირო ზოლზე ყველაზე საუკეთესო ადგილასაა და ეჭვობენ რომ პროცესის უკან ვიღაცის ბიზნესინტერესები დგას. ადგილზე ნაციონალური მოძრაობის რეგიონული ორგანიზაციის თავმჯდომარე ჩავიდა. მურთაზ ზოდელავას თქმით, ადგილი აქვს დივერსიულ ფაქტს.
ადგილობრივი მოსახლეობა ადგილზე სპეციალისტების ჩასვლასა და მიზეზების გარკვევას ითხოვს.
