თეა დარჩიამ და „თედასელებმა“ სენაკში კონცერტი გამართეს
პირველად, სენაკის მუსიკალური ფესტივალის ისტორიასა და ჩვენს ქალაქში, სენაკის მუნიციპალიტეტის მერიის და საკრებულოს მხარდაჭერით, დღეს, სუხიშვილების პრიმა მოცეკვავემ და სოლისტმა, თეა დარჩიამ, ცეკვის სტუდია ,,თედასთან” ერთად, შეხვედრა-კონცერტი გამართა.
აკაკი ხორავას სახელობის სახელმწიფო პროფესიულ დრამატული თეატრის სცენაზე, მოცეკვავემ, „თედასელებთან“ ერთად, „როკვით განფენილი გენიის“ ნამდვილი დღე სასწაული მოაწყო.
„სენაკი არტ-ფესტივალი 2023“, სრულიად საქართველოს კათოლიკოს-პატრიარქის, ილია II-ის პატრონაჟით, სენაკის მუნიციპალიტეტის მერიის, საკრებულოს და ხელოვნების აკადემიის მხარდაჭერით იმართება.
ფესტივალის დამაარსებელი და სამხატვრო ხელმძღვანელია, მსოფლიოში აღიარებული პიანისტი, პიანისტთა საერთაშორისო კონკურსების მრავალგზის ლაურეატი, ხელოვნების აკადემიის რექტორი, სენაკის საპატიო მოქალაქე, ვალერიან შიუკაშვილი.
