ზუგდიდის მუნიციპალიტეტის ჯიხაშკარის ადმინისტრაციულ ერთეულში, სობოგას უბანში  საავტომობილო  გზის დაგების მეორე ეტაპი მიმდინარეობს, პროექტი  2 კილომეტრიან მონაკვეთზე ასფალტის საფარის მოწყობას გულისხმობს. სოფელის ამ მონაკვეთში ასფალტირებული გზა არ არსებობდა და საგზაო ინფრასტრუქტურა ავარიული იყო.

გზასთან ერთად ეწყობა სანიაღვრე სისტემა და ეზოებში მისასვლელები. პროექტის მიმდინარეობას სამეგრელო-ზემო სვანეთის სახელმწიფო რწმუნებული გიორგი გუგუჩია, მოადგილეებთან და ზუგდიდის მერთან მამუკა წოწერიასთან ერთად გაეცნო.

საგზაო ინფრასტრუქტურის მოწყობის პროექტი რეგიონებში განსახორციელებელი პროექტების ფონდის და ადგილორბივი ბიუჯეტის დაფინანსებით ხორციელდება.