საქართველოსა და რუმინეთს შორის საბორნე მიმოსვლა იწყება. პირველი გასვლა რუმინეთიდან საქართველოში 27 ივნისს განხორციელდება. ორ ქვეყანას შორის საზღვაო საზღვარი  600 საზღვაო მილია, რომელსაც ბორანი “VILNIUS” 42 საათში დაფარავს.

ფოთი – კონსტანცას საბორნე ხაზი, უმოკლესი გზაა კავკასიის და შუა აზიის ქვეყნების ევროპასთან დასაკავშირებლად, მას ალტერნატივა არ აქვს და დიდი მნიშვნელობის მქონეა ჩვენი ქვეყნისთვის და რეგიონისთვის.

ბორანში სხვადასხვა სივრცეებია განთავსებული: რესტორანი, ბარი, ბავშვთა ოთახი, გასართობი სივრცე, და Duty Free მაღაზია.

გემის სიგრძე 190 მეტრია, მაქსიმალური სიგანე კი 28 მეტრი. ბორანს 108 მგზავრის გადაყვანა შეუძლია.

სატვირთო-სამგზავრო გემი „Vilnius“  – აშენებულია 1987 წელს გერმანიაში.იმყოფება ლოიდის საკლასიფიკაციო ზედამხედველობის ქვეშ.. გემი ფლობს გინესის რეკორდების წიგნის სერთიფიკატს, როგორც მსოფლიოში ყველაზე დიდი გემი საავტომობილო-სარკინიგზო სამგზავრო ბორნების კლასში.